AQUÍ ESTAMOS !

 11 NON É MAL NÚMERO! 

CONCERTO GRAMOLA GOMINOLA

 O venres tivemos un concertazo do grupo Gramola Gominola. Algúns son ben rokeiros. 

VISITAMOS A BIBLIOTECA

Hoxe fomos ver a biblioteca. Encantounos o novo espazo que temos. Alí estaba o amigo Libroucho. 

CONTOS XEOMÉTRICOS

Cada semana Nati ten un montón de propostas, retos ou desafíos, moi divertidas e creativos, cos que traballan un montón de conceptos. 

Nesta proposta de "Conto xeométrico"  xogaron a asociar as formas a un determinado conto e tamén a crear seus propios contos. 

SUPERLOLA

 Hai na rede cancións que dan moito xogo. Ésta é unha delas. Despois de escoitala falamos de ser superheroes e superheroínas no colexio. Dixeron que podíamos rescatar gatos (igual é dificil atopar algún) pero seguro que dando unha volta polo colexio atopamos moito que facer. 

Tiñan claro que unha misión pode ser axudar a un pequeno. 

Para a misión preciso que teñan no colexio a máscara de inicio de proxecto e unha capa (se a tedes na casa) Eu podo conseguir para quen non teña capa. 

LER MOLA

 Este mes vaise inaugurar a Biblioteca. Libroucho pediunos que lle axudásemos a decorala. Despois de pensar que podíamos poñer no cartel. empezamos a facer as letras co  corpo. Outra forma de facer lectura e escritura. 

Eles mesmos dicían como poder facela. resultou realmente divertido. Para ver ben o efecto subimonos ás cadeiras. 

CONTINUAMOS COS SUPERHEROES E SUPERHEROÍNAS

 Esta temática está a dar moito de sí. Hoxe contamos un conto moi bonito do que vos deixo o enlace. Nós vímolo en papel (sempre o prefiro). Despois da lectura falaron dos poderes que teñen seus pais e as súas nais. Xa veredes as conversas!

No xogo por recantos esta semana temos novas propostas. Mirade o que facemos en "creatividade" Precisamos o cartón do papel hixiénico. Eles xa saben que teñen que traelo. Nesta idade é importante que vaian facéndose responsables dos recados.