Empezamos cunha nova actividade de escritura.
Para querer escribir precisamos MOTIVACIÓN E unha FINALIDADE.
Un día Martina chegou con felicitacións de Nadal para todos. Tras facer unha caixa de correos empezamos con esta actividade.
Cada un escribiu o seu nome nun papel. Logo cada quen colleu un sen mirar. Na postal había que escribir por que me gustas.
Desta maneira escribimos unha postal; non vexades como se concentraron! seguiremos escribindo!
Nesta actividade participamos as familias, a ANPA e o colexio.
Recordades cando na casa fixéchedes unha maceta? Pois xa están medrando as landras. Fainos moita ilusión ver como xerminaron.
Grazas ANPA por promover esta actividade!
Un dos proxectos que iniciamos este curso é Educación Responsable..
A través deste video podedes coñecer algo deste programa, aínda que o principal será o que vaiades vendo nos vosos fillos e fillas.
Como sabedes, cada día unha música acompaña a nosa entrada. No blog Son de son podedes coñecer o que escoitamos, vemos e do que falamos. Sempre facemos a referencia á emoción que xorde, con total respecto...Son momentos únicos e irrepetibles.
Non deixedes de seguir esta estela de emoción.
Yann Arthus -Bertrand é un fotógrafo francés mundialmente coñecido polos numerosos libros de fotografías aéreas do noso planeta, as súas paisaxes e xentes. Na nosa Biblioteca temos algún. Tamén fai documentais coma este, do que presentamos algún cachiños...
O venres tivemos un concertazo do grupo Gramola Gominola. Algúns son ben rokeiros.
Hoxe fomos ver a biblioteca. Encantounos o novo espazo que temos. Alí estaba o amigo Libroucho.
Cada semana Nati ten un montón de propostas, retos ou desafíos, moi divertidas e creativos, cos que traballan un montón de conceptos.
Nesta proposta de "Conto xeométrico" xogaron a asociar as formas a un determinado conto e tamén a crear seus propios contos.
Hai na rede cancións que dan moito xogo. Ésta é unha delas. Despois de escoitala falamos de ser superheroes e superheroínas no colexio. Dixeron que podíamos rescatar gatos (igual é dificil atopar algún) pero seguro que dando unha volta polo colexio atopamos moito que facer.
Tiñan claro que unha misión pode ser axudar a un pequeno.
Para a misión preciso que teñan no colexio a máscara de inicio de proxecto e unha capa (se a tedes na casa) Eu podo conseguir para quen non teña capa.
Este mes vaise inaugurar a Biblioteca. Libroucho pediunos que lle axudásemos a decorala. Despois de pensar que podíamos poñer no cartel. empezamos a facer as letras co corpo. Outra forma de facer lectura e escritura.
Eles mesmos dicían como poder facela. resultou realmente divertido. Para ver ben o efecto subimonos ás cadeiras.
Esta temática está a dar moito de sí. Hoxe contamos un conto moi bonito do que vos deixo o enlace. Nós vímolo en papel (sempre o prefiro). Despois da lectura falaron dos poderes que teñen seus pais e as súas nais. Xa veredes as conversas!
Esta semana empezamos coa letra S.Resulta algo complicada a súa grafia por iso cando a facemos dicimos "curva para atrás e curva para diante" pois se imos para diante vai saír un 2 .
O xogo de hoxe foi buscar pola clase obxectos que tivesen o son S en 2 minutos (para iso puxemos un cronómetro). Como somos 10 tiñamos que conseguir 10 puntosa e non foi tan mal, chegamos a 5.
Neste curso, no que quizás falten máis por precaución e con síntomas leves, enviarei aos que teñan que quedar na casa a tarefa desa semana.
Como xa sabedes esta semana iniciamos un proxecto do que saben MOITO. Quedei abraiada coa cantidade de información que teñen.
Hoxe xa empezamos a falar dos poderes que eles tiñan e cada un foi dicindo: velocidade, amabilidade, durmir moito...
En Son de son hoxe o tema era os Superheroes. Recordade entrar no blog para ver xuntos os videos.
Deixo aquí un dos contos que vimos:
Este curso imos celebrar os aniversarios do seguinte xeito.
Cada mañá empezamos cunha actividade de musica. ESTE PROXECTO CHÁMASE sON DE sON . No seguinte enlace podedes ver unha explicación do mesmo. E na casa tamén podedes seguir este blog.
CANDO CHEGAN AOS 5 ANOS ACONTECE UN FEITO NAS SÚAS VIDAS QUE VAI CAUSAR MOITO INTERESE: A CAÍDA DOS DENTES.
ESTA SEMANA FIXEMOS UNHA CAIXIÑA PARA GARDAR OS DENTES CANDO CAEN E NON PERDELOS. PODE ESTAR NA MOCHIJA DO COLEXIO.
HOXE ESTIVEMOS MEDINDO AS GANAS QUE TEMOS DE VIR AO COLEXIO. PARA ISO SITUANDO NUNHA ESCALA DO 1 AO 5 O NOSO NOME.
1 SEN GANAS E 5 MOITAS GANAS. O RETO AGORA É MANTER ESTE ENTUSIASMO.
ELIXO UNHA VIÑETA MOI GRÁFICA DA SITUACIÓN COA QUE INICIAMOS ESTE CURSO 2020-21
